Ostau Gascon

Centre Culturau Occitan deu Gèrs

Cosina

Tornatz trobar tot un pialòt de receptas suu site :

https://foyersruraux-gers.org/recettes-des-villages-qui-bougent_222.php

 

CONFITURA DE HIGAS

Recèpta de las mias amigas tà 10 Kg de frutas

Realizacion

Causir las higas plan fèrmas, totun a punt (maduras), las grisetas deu Gèrs son perfèitas.

Trempar las frutas 5 minutas dens ua bacina d’aiga borenta, los tirar tà esgotar-las.

Pesar las frutas  ta hornir 600 gramas de sucre cristallizat per Kg de frutas dambe un veire d’aiga, 3 tecas de vanilha, lo shuc d’un bèth citron.

1 – Començar lo còser tot doç dinc’au moment on las higas son covertas deu son shuc.

2 – Còser a huec mejan de cap a ua òra.

3 – A huec viu 30 minutas e verificar lo còser a la gota sus ua sieta hrèda.

4 – Hornir un veire de bon vinagre de vin qu’estanca lo borider.

5 – Hornir un veire d’armanhac, lo borider torna suu pic.

La confitura es acabada, botar en bocaus, esterilizar 30 minutas.

 

Recèpta de (o reculhida peu) Jean-Louis Dutrey – Seccion natura e Patrimòni deus Larers Ruraus deu Gèrs

 

%d blogueurs aiment cette page :